El vienres de la selmana pasada nel Café Habana de Mieres entámose una Timba poétika na que participaron Sergio S. Taboada , David Suárez , Miguel Rix , Pablo X. Suárez, Laura Marcos y dalguna qu'otra persona más que tuvo les ganes de salir a recitar alguna poesía. La verdá nun tuvo mal aunque los miembros d'esti blogue nun sían daos allegase a esti tipu de recitales nin tampoco aficionaos a la poesía pero po lo menos quedamos cola sensación y les ganes d'alleganos otra vez.
De la timba en sí destacar que la Llingua mas emplegada pa recitar los poemes foi'l Asturianu, y los conteníos fueron de too tipu: dende los incendiarios de Rix, sociales y reinvindicativos de Sergio pasando polos más graciosos risonderos de David Suárez y Pablo,en fin de too un pocu. Destacar que munchos de los poemes recitaos yeren d'ellaboración propia y podíen mercase los sos llibros o diversu material de dalgunos d'ellos nun puestu a la entrada del café. Tamién intervieno'l publico y la xente fíxolo siguiendo la llínea de la timba recitando na so mayoría poemes propios pero tamién hubo tiempu pa los poemes d'autores conocíos como Benedetti y tamién saliéndose fuera de lo que ye la poesía pa la música acompañada de guitarra y cantares populares y revolucionarios. Lo dicho, una bona tarde de vienres qu'esperamos poder repetir.
Comentarios